Ang pag-aaral na ito ay naglalayon na mabatid ang epekto na pagkakaroon ng Star Section sa mga estudyante ng Kolehiyo ng Pagtutuos sa Dr. Yanga’s Colleges, Inc. Ang pag-aaral ay magiging daan upang matukoy kung ang pagkakaroon ng Star Section ay nagdudulot ng maganda sa katayuang pang-akademiko ng mga mag-aaral. Nararapat nga kayang magkaroon ng Star Section sa bawat antas?
Sa pananaliksik na ito,magkakaroon ng mga survey at pamimigay ng mga questionnaires upang maging daan sa pagtukoy ng kasagutan sa problema. Kaya ang pananaliksik ay sasalamin sa totoong ideya ng mga estudyante ukol sa naturang problema. Sa pagsisiyasat na ito, masasalamin ang saloobin ng bawat mag-aaral na kabilang at hindi kabilang sa Star Section. Nakapaloob din sa pag-aral na ito ang mga batayan para sa paghahati hati ng mga mag-aaral ng Kolehiyo sa iba’t-ibang pangkat. Karapatdapat nga kaya ang mga mag-aaral na napapabilang sa star section?
Para sa mga susunod na mananaliksik sa problemang ito, bigyang pansin at dim ang magiging epekto ng pagkakaroon ng Star Section sa mga estudyanteng hindi kabilang dito.